ওঁ নমস্তে চণ্ডিকে চণ্ডি চণ্ডমুণ্ডবিনাশিনি।
নমস্তে কালিকে কালমহাভয়বিনাশিনি ৷৷
শবে রক্ষ জগদ্ধাত্রি প্রসীদ হরবল্লভে।
প্রণমামি জগদ্ধাত্রীং জগৎ পালনকারিণীম্ ॥
করালাং বিকটাং ঘোরাং মুণ্ডমালাবিভূষিতাম্।॥
জগৎ ক্ষোভকরীং বিদ্যাং জগৎ সৃষ্টিবিধায়িনীম্।
হরার্চিতাং হরারাধ্যাং নমামি হরবল্লভাম্। গৌরীং গুরুপ্রিয়াং গৌরবর্ণালঙ্কারভূষিতাম্।।
হরিপ্রিয়াং মহামায়াং নমামি ব্রহ্মপূজিতাম্।
সিদ্ধাং সিদ্ধেশ্বরীং সিদ্ধবিদ্যাধরগণৈর্যুতাম্।।
মন্ত্রসিদ্ধিপ্রদাং যোনিসিদ্ধিদাং লিঙ্গশোভিতাম্।
প্রণমামি মহামায়াং দুর্গাং দুর্গতিনাশিনীম্।।
উগ্রামুগ্রময়ীমুগ্রতারামুগ্রগণৈযুতাম্।
নীলাং নীলঘনশ্যামাং নমামি নীলসুন্দরীম্ ।।
শ্যামাঙ্গীং শ্যামঘটিতাং শ্যামবর্ণবিভূষিতাম্।
প্রণমামি জগদ্ধাত্রীং গৌরীং সর্বার্থসাধিনীম্।।
বিশ্বেশ্বরীং মহাঘোরাং বিকটাং ঘোরনাদিনীম্।
আদ্যামাদ্যগুরোরাদ্যামাদ্যনাথপ্রপূজিতাম্ ।।
শ্রী দুর্গাং ধনদামন্নপূর্ণাং পদ্মাং সুরেশ্বরীম্।
প্রণমামি জগদ্ধাত্রীং চন্দ্রশেখরবল্লভাম্।।
ত্রিপুরাং সুন্দরীং বালামবলাগণভূষিতাম্।
শিবদূতীং শিবারাধ্যাং শিবধ্যেয়াং সনাতনীম্।
সুন্দরীং তারিণীং সর্বশিবাগণবিভূষিতাম্।
নারায়ণীং বিষ্ণুপূজ্যাং ব্রহ্মবিষ্ণুহরপ্রিয়াম্।।
সর্বসিদ্ধিপ্রদাং নিত্যামনিত্যাং গুণবর্জিতাম্।
সগুণাং নির্গুণাং ধ্যেয়ামর্চিতাং সর্বসিদ্ধিদাম্।।
বিদ্যাং সিদ্ধিপ্রদাং বিদ্যাং মহাবিদ্যাং মহেশ্বরীম্।
-মহেশভক্তাং মাহেশীং মহাকালপ্রপূজিতাম্।।
প্রণমামি জগদ্ধাত্রীং শুম্ভাসুরবিমর্দিনীম্।
রক্তপ্রিয়াং রক্তবর্ণাং রক্তবীজবিমর্দিনীম্।।
ভৈরবীং ভুবনাং দেবীং লোলজিহ্বাং সুরেশ্বরীম্।
চতুর্ভুজাং দশভুজামষ্টাদশভুজাং শুভাম্।।
ত্রিপুরেশীং বিশ্বনাথপ্রিয়াং বিশ্বেশ্বরীং শিবাম্।
অট্টহাসামট্টহাসপ্রিয়াং
ধূম্রবিনাশিনীম্ ।।
কমলাং ছিন্নভালাঞ্চ মাতংগীং সুরসুন্দরীম্।
ষোশীং বিজয়াং ভীমাং ধূমাঞ্চ বগলামুখীম্ ।।
সর্বসিদ্ধিপ্রদাং
সর্ববিদ্যামন্ত্রবিশোধিনীম্।
প্রণমামি জগত্তারাং সাঁরাঞ্চ মন্ত্রসিদ্ধয়ে।।
ইত্যেবঞ্চ বরারোহে, স্তোত্রং সিদ্ধিকরং পরম্।
পঠিত্বা মোক্ষমাপ্নোতি সত্যং বৈ গিরিনন্দিনি।
